नेवा: बौद्ध शिक्षाया खुगु समुहया कक्षाया उलेज्या बौद्ध बिद्वान प्रा.डा.बज्रराज शाक्य जु पाखें याना बिज्यात । दिपावती बही बिहार सुधार समिती , दीपावती परियती केन्द्र व दीपावती साकोसया संयुक्त आयोजनाय थुगु कक्षा जुईगु ख: । नायो राम शाक्यजुं लसकुसयाना न्ह्यागु ज्याझ्वलय बौद्ध बिहार संघया नायो करुणारत्न बज्राचार्यजुं भिंतुना न्वचु व प्रशिक्षक मण्डलया कजि ज्ञानेन्द्र शाक्यजुं नेवा: बौद्ध शिक्षाया रुपरेखा न्यथना बिज्यात । ज्याझ्वलय प्रा.डा.बज्रराज शाक्यजुं आधुनिक शिक्षा व बुद्ध शिक्षाया भिन्नता नापं थगु अनुभव ईना बिज्यात । ज्याझ्व अनिस शाक्यजु न्ह्याका बिज्यात ।

नेवा: बौद्ध शिक्षाया न्याक्वगु पुच:या निगु तगिं क्वचागुया दसिपौ इना नापं अवलोकन भ्रमन

बौद्ध बिहार संघ , यल या भावी रणनीतिक योजना गोष्ठी जेठ ९ व १० गते चन्द्रागिरी रिसोर्टय सम्पन्न जुल । थुगु ज्याझ्वपाखें बौद्ध बिहार संघया भावी कार्य योजनाया दिशा निर्देश यायेत व्यापक छ्लफल नापं मन्थन जुल नापं कार्यक्रम तयार जुल । थ्व गोष्ठीं पिकागु निचोड , कार्य समितिया बैठक पाखें प्राथमिकरण याना आज्जु पुवंकिगु जुल । बिद्वान ज्ञानेन्द्र शाक्यजु पाखें सहजीकरण याना बिज्यागु थुगु ज्याझ्वलय बौद्ध बिहार संघया संरक्षक परिषदया दुज:पिं हनेबहम्ह बाबुराज बज्राचार्य , हनेबहम्ह पुष्परत्न शाक्य ,निवर्तमान नायो हनेबहम्ह नानिकाजी शाक्य , बौद्ध बिहार संघ महिला समुह , युवा समुहया प्रतिनिधि मुलक सहभागीता दुगु जुल ।