बौद्ध बिहार संघ , यल या ग्वसालय् थौं अक्षयेश्वर महाबिहारस् यलया झिंछगु थिथी वहा:बहि व त्वा पाखें न्ह्यैपुसेच्वंक दाफा भजन प्रस्तुतिया ज्याझ्व: जुल । संघया नायो करुणा रत्न बज्राचार्यजुया सभापतित्वय यल मनपा वडा ६ या नायो एवं उद्योग, संस्कृती पर्यटन महाशाखा दुज: हनेबहम्ह रुपेन्द्रराज शाक्य , विशेष पाहां वडा१६ नायो निर्मलरत्न शाक्यया उपस्तिथि थुगु ज्याझ्व जुल। ज्याझ्वलय संस्कृति प्रेमी बौद्ध बिहार संघया धा: बाजा गुरु प्रताप शाक्यजु पाखें दाफा भजनया एतिहासिक, ब्यवहारिक खं कुला बिज्यात । बौद्ध बिहार संघ, युवा समुहया मयजु लचना शाक्य व रशना बज्राचार्यजुं ज्याझ्व: न्ह्याका बिज्यागु ख । ज्याझ्व: या संयोजन बौद्ध बिहार संघया न्वकु सुरेन्द्र बज्राचार्यजुं याना बिज्यागु जुल।