यशोधर महाबिहारया पुजनिय चक्रेश्वर आजु पुण्यराज बज्राचार्यजुया मुलआचार्यसुई , गुरुजुअनुप बज्राचार्यजुया मुल गुरुत्वय बौद्ध बिहार संघ , यल या नायो करुणारत्न बज्राचार्यजुया जजमानय् ,झीगु समाज व देया सुख, समृद्धी कामनार्थ बौद्ध बिहार संघ , यल या स्वर्ण जयन्ती दँया लसताय १०८ म्ह गुरुजुगण पाखें पवित्र नव ग्रन्थ पाठ ज्याझ्व: थौं अतिकं ता लाक्क क्वचाल । यल महानगरपालिका १६ वडाया मंका ग्वसालय यशोधर महाबिहारया ब्यवस्थापनय, यल महानगरपालिका , पुर्ण सिद्धि शाक्य परिवार , खास्तिया ग्वाहाली नापं हजारौं श्रद्धालु धर्म प्रेमी जनमानसपिनि सहभागिताय जुगु थुगु ज्याझ्वलय यें,यल,ख्वप:,किपु, ठिमी , बुंग:या मुक्कं ११० म्ह श्रद्धेय गुरुजुपिन्स पवित्र नवग्रन्थ पाठयाना बिज्यात । थुगु ज्याझ्वलय सहभागी चक्रेश्वर आजु, गुरुजुगण , व सहयोगि सकसित आपालं साधुबाद देछानाच्वना । भवतु सब्ब मंगलम् ।